Terra de Celanova-Serra do Xurés

O xeodestino Terra de Celanova-Serra do Xurés oferta unha rica variedade de recursos turísticos, a partir dos cales se crearon 4 rutas turísticas:

– Ruta Literaria, sendo Celenova berce de literatos famosos como Manuel Curros Enríquez, Xosé Luís Méndez Ferrín ou o contemporáneo Carlos Montero, autor da Desorde que deixas.

– Ruta Arqueolóxica. Aquis Querquennis (antigo campamento romano, mansión viaria e termas romanas), Castromao ou os miliarios da Vía Nova son algúns dos recursos que non te podes perder.

– Ruta Máxica. Este xeodestino conta con lugares e recursos que fan máxica a experiencia, como a abandonada aldea de Salgueiro, no corazón do Xurés, a Casa da Escusalla e as lendas fantasmagóricas que a acompañan ou Penagache, unha montaña con moitos mitos e lendas.

–  Ruta Camiño de Santiago-Camiño San Rosendo. Refacer os pasos que, durante case mil anos, seguiron os peregrinos do norte de Portugal e o sur de Galicia por terras da Baixa Limia e Celanova até Santiago de Compostela.

Ademais de poder percorrer calquera das 4 rutas libremente, traballouse nunha iniciativa de geocaching. O geocaching é a actividade de moda que consiste en atopar “tesouros” coa axuda do GPS do noso smartphone. Desta forma, engádeselle un compoñente lúdico a cada unha das rutas. En cada unha delas escondéronse cachés en polo menos 9 localizacións, facendo máis atractiva a chegada a estes puntos como parte da experiencia geocaching.

Autoxiro colaborou neste proceso, na elaboración das rutas e especialmente na ubicación dos cachés. Tamén durante o 2020 participou en actividades formativas, así como na promoción do xeodestino vía redes sociais e páxina web. 

Promocionar e descubrir o territorio deste xeodestino a través dunha nova experiencia foi o obxectivo deste proxecto.


Ano: 2020-2021

Cliente: Xeodestino Terra de Celanova-Serra do Xurés

Privacy Settings
We use cookies to enhance your experience while using our website. If you are using our Services via a browser you can restrict, block or remove cookies through your web browser settings. We also use content and scripts from third parties that may use tracking technologies. You can selectively provide your consent below to allow such third party embeds. For complete information about the cookies we use, data we collect and how we process them, please check our Privacy Policy
Youtube
Consent to display content from Youtube
Vimeo
Consent to display content from Vimeo
Google Maps
Consent to display content from Google