O  29 de novembro de 2019 tivo lugar a xornada formativa denominada “A actividade turística nun espazo natural. Zona transfronteiriza Reserva da Biosfera Gerês-Xurés”, impartida no Centro de visitantes do Parque Natural da Baixa Limia-Serra do Xurés.

Dende Autoxiro coordinamos os contidos desta xornada que contaba cos seguintes obxectivos:

• Contribuír ao desenvolvemento turístico no ámbito do territorio conxunto da Reserva da Biosfera Gerês- Xurés.
•  Axudar a emprendedores, empresarios e técnicos locais a crear unha oferta atractiva de produtos turísticos vinculados co territorio e comprometidos coa conservación da zona.
• Fomentar iniciativas na zona derivadas da cooperación, sendo o turismo de natureza o produto atraínte ao que engadir actividades complementarias.

Organizado por Turismo de Galicia  e cofinanciado pola U.E. no marco do Programa de Cooperación Transfronteiriza INTERREG V-A (POCTEP)