O Cluster de Turismo de Galicia co apoio da Xunta de Galicia – Axencia Turismo de Galicia promoven o proxecto “Un descanso nos Camiños”, dirixido á creación de produtos turísticos orientados ao Camiño de Santiago baseados na oferta termal galega.

Coa participación da Asociación de Balnearios de Galicia, Fundación Feiras e Exposicións de Ourense, Federación Provincial de Empresarios de Hostalaría e Turismo de Ourense e Caldaria Termal están a deseñarse unha serie de produtos que permiten complementar o Camiño de Santiago incorporando a oferta de Balnearios de Galicia

Colaboramos co xeodestino Terra de Celanova-Serra do Xurés dando apoio á creación, xestión e promoción turística. O destino oferta unha rica variedade de recursos turísticos, a partir dos cales se crearon 4 rutas turísticas.    

Traballouse tamén nunha iniciativa de geocaching. O geocaching é a actividade de moda que consiste en atopar “tesouros” coa axuda do GPS do noso smartphone. Desta forma, engádeselle un compoñente lúdico a cada unha das rutas. En cada unha delas escondéronse cachés en polo menos 9 localizacións, facendo máis atractiva a chegada a estes puntos como parte da experiencia geocaching.

Autoxiro colaborou neste proceso, na elaboración das rutas e especialmente na ubicación dos cachés. Tamén durante o 2020 participou en actividades formativas, así como na promoción do xeodestino vía redes sociais e páxina web.

Promocionar e descubrir o territorio deste xeodestino a través dunha nova experiencia foi o obxectivo deste proxecto.

De novo nos anos 2020 a 2021 colaboramos no proxecto Un descanso nos Camiños. Iniciativa do Cluster de Turismo de Galicia co apoio da Xunta de Galicia – Axencia Turismo de Galicia, dirixido á creación de produtos turísticos complementarios ao Camiño de Santiago baseados na oferta termal galega. Nesta ocasión buscouse reconfigurar, consolidar e promocionar a oferta a través da creación de material promocional en varios formatos, entre eles a creación dun spot publicitario.

O programa contou coa participación da Asociación de Balnearios de Galicia, Fundación Feiras e Exposicións de Ourense, Unión de Hosteleros Ourensanos, Amigos da Cociña Galega e Caldaria Termal.

Durante a celebración do Congreso Internacional sobre Auga e Saúde (Expourense, setembro de 2020) celebrouse un Showcooking dentro deste programa, ademais da presentación oficial do spot publicitario.

Tamén, dentro desta iniciativa, organizouse un famtrip con axentes dos canais de vendas. Toda unha acción coordinada co fin de facer unha maior difusión deste programa.

Labor coa que continuamos durante o 2021, actualizando contidos na web e redes sociais, así como organizando outro famtrip.

Un dos traballos nos que colaborou Autoxiro foi o deseño e creación da páxina web do espazo expositivo do Concello de Quintela de Leirado sobre a emigración a Guinea Ecuatorial.

Trátase dun concello no que especialmente durante os anos 40 e 50 do século pasado unha considerable parte da súa poboación emigrou a Guinea Ecuatorial, naquel momento pertencente a España.

Convidámosvos a visitar este espazo e a súa páxina web.

Durante o ano 2021 continuamos a traballar no proxecto Silbina xunto a Sherpa Project, proxecto iniciado en 2020 cun proceso de identificación dos principais produtores e transformadores de produtos agrogandeiros do territorio Sil-Bibei-Navea. Creouse así o logo identificativo, unha páxina web e as redes sociais de Silbina.

Durante o 2021 continuouse coa labor de promoción deste territorio, vía redes sociais, coa creación de 2 vídeos promocionais cos produtos do territorio e coa realización dun blogtrip.

En outubro de 2022 celébrase en Ourense o XXII Congreso de AECIT baixo o lema: “O novo turismo: innovación, dixitalización, sostibilidade e competitividade”.

Autoxiro está a colaborar coa organización de dito evento, habendo deseñado e creado a súa web. Convidámosvos a visitala para informarvos deste evento de carácter científico e profesional.