Geochaching, a busca do tesouro

O geocaching non é algo novo, pero si algo que gañou número de adeptos nos últimos anos. Para os que aínda non sabedes o que é, podémolo resumir na procura de tesouros (cachés) a través da súa localización vía GPS. Para iso é necesario instalar unha App no noso smartphone (podédela buscar por geocaching tanto en Android como iOs) e poderemos ver os cachés no mapa. Seguindo as coordenadas e algunhas pistas poderemos atopar estes cachés. O valor está na experiencia de procura do caché e o mérito de atopalo, rexistrando na App que o atopamos e anotándoo tamén no propio caché (no que haberá algún caderno ou papel para anotar o noso logro). Ás veces os cachés teñen pequenos obxectos que poderemos intercambiar por outros obxectos, e unha vez descuberto deberemos deixalo exactamente onde estaba para que outros poidan atopalo e gozar tamén da aventura (vídeo explicativo).

É unha forma de gozar do tempo tanto en solitario como en grupos ou familia e de aventurarse a coñecer novos lugares e territorios. Tal é a fama que adquiriu este tipo de experiencia que xa en 2013 había máis de 2 millóns de cachés activos en 200 países.

A día de hoxe, algúns destinos aproveitaron esta experiencia para crear rutas ou simplemente situar cachés en diversos puntos do territorio, especialmente preto de recursos de interese (patrimonio, zonas naturais, zonas de interese paisaxístico, etc.), combinando así a experiencia do geocaching co turismo.

Actualmente, o xeodestino Terra de Celanova-Serra do Xurés está a crear 4 rutas nas cales varios dos puntos vinculáronse a cachés. Convidámosvos a descargar a App e buscar os cachés que xa se foron publicando destas rutas, XeoTour Terra de Celanova-Serra do Xurés, a través dos cales coñeceredes este territorio desde 4 ópticas, a arqueolóxica, a literaria, a máxica e o Camiño de San Rosendo.

Geocaching en la Serranía de Ronda - Costa del Sol Málaga - Diputación de Málaga

 

Turismo en tempos de Coronavirus

Xa hai máis dun ano que comezou o primeiro confinamento total en España tras o inicio da pandemia mundial da Covid-19. Un ano de restricións intermitentes segundo as olas da enfermidade ían avanzando.  Ante esta situación, un dos sectores que se viu totalmente afectado e incluso paralizado nalgúns momentos foi o do turismo. Tras un ano de incertidume, os expertos seguen analizando que pasará a partir de agora.

Que pasará tras a pandemia?

https://www.nuevatribuna.es/

O que se preguntan agora os expertos é, que pasará co turismo despois do Coronavirus? Ou como será a forma de viaxar tras esta pandemia? As opinións respecto diso, como é de esperar ante unha situación de incerteza, son variadas. Algúns afirman que os comportamentos dos individuos aínda non cambiaron e seguirán querendo viaxar a outros lugares, pero iso si, sendo máis cautelosos. Estes terán que percibir unha maior seguridade con cambios físicos reais que os convenzan diso. Outros analistas comentan que aínda é pronto para facer predicións porque non sabemos cando ou como pasará a pandemia, pero terán que darse unha serie de factores que animen á poboación a viaxar de novo: baixada de prezos (tanto en hoteis como compañías aéreas, con avións talvez máis baleiros) e moita limpeza, ou polo menos medidas visibles que induzan á confianza dos turistas.

Que medidas están a tomar os destinos turísticos?

https://www.fortuneenespanol.com/

Varios destinos españois xa están a elaborar plans para impulsar o turismo tras o Coronavirus. Exemplo diso é Sevilla, que reprogramou o seu calendario cultural, tentando nunha primeira fase recuperar o mercado nacional e europeo. Cataluña apostou tamén en primeiro lugar por un turismo de proximidade, impulsando o turismo local. No caso de Galicia, creouse unha acción máis inmediata, visitar monumentos desde casa. A Consellería de Cultura e Turismo de Galicia puxo en marcha un proxecto que permite achegar de forma virtual o destino aos viaxeiros:  “Galicia na túa casa”, un recurso dende o que se poden realizar visitas e percorridos en 360º no cinco catedrais galegas, así como en múltiples mosteiros e museos de toda a comunidade. É bo comentar que a gamificación e novas tecnoloxías como a realidade aumentada ou virtual, moitas veces son usadas vía ordenador ou dispositivos móbiles co obxectivo de incentivar unha futura visita dese usuario. É un modo de achegar Galicia e espertar o interese en coñecela cando toda esta situación se normalice. Ademais, no momento actual está a traballar nun bono turístico para os propios galegos, #QuedamosEnGalicia, fomentando así o turismo interno.

E tras facer esta pequena reflexión, que opinas ti? Cales son os teus plans turísticos a curto e medio prazo? Quedan uns días para Semana Santa, que tipo de turismo vas practicar? Gustaríanos coñecer máis opinións respecto diso.

Foto de portada: “https://objetivocastillalamancha.es”

SICTED. Ferramenta para a competitividad dos destinos turísticos

Nun momento no cal moita xente di que os temas relacionados coa xestión da calidade non están de moda, que son meros procesos administrativos e que toca buscar novos paradigmas, queremos reivindicar a utilidade dun veterano programa promovido por la Secretaría de Estado de Turismo e a FEMP: o SICTED Read More